Perez, wala sa NCAA All-Stars

ISANG matikas na koponan na pagbibidahan nina last season Finals MVP Robert Bolick ng San Beda, Perpetual Help center Prince Eze, San Sebastian star forward Michael Calisaan at graduating Letran sensation Bong Quinto ang bubuo sa Saints team na magtatangkang muling manalo kontra Heroes squad sa darating na NCAA All-Star Game sa Agosto 31 sa Filoil Flying V Centre sa San Juan City.

Kataka-taka namang hindi lalaro para sa Heroes team si reigning MVP CJ Perez ng Lyceum of the Philippines University.

Ang Saints na muling gagabayan ni coach Boyet Fernandez ng San Beda, ay magtatangkang duplikahin ang 84-80 na panalo sa nakalipas na taon kontra Heroes na sa pagkakataong ito ay gagabayan ni LPU coach Topex Robinson.

Kabilang din sa Saints roster sina San Beda forward Javee Mocon at skipper Ranbill Tongco, Letran playmaker JP Calvo at slotman Christian Fajarito, SSC wingman Allyn Bulanadi at Alvin Capobres, St. Benilde stamdouts Luigi Velasco, Josh Barnes at JJ Domingo, at Perpetual Help guarfs Edgar Charcos at AJ Coronel.

Inaasahang magpupuno sa puwang na iiwan ni Perez ang LPU wonder twins na sina Jaycee at Jayvee Marcelino at Arellano University standouts Levi dela Cruz, Ian Alban at Michael Canete.

Kasama naman nila sa line-up sina Emilio Aguinaldo starters Jerome Garcia, Rico Diego, at Jesse Bautista, Mapua rookie Warren Bonifacio, Lawrence Victoria at Cedric Pelayo, LPU gunner Ralph Tansinco at Jose Rizal University standouts Jed Mendoza, Karl Bordon at Richard David.