Darren, pinaiyak ni Direk Cathy
EXCITED si Darren Espanto sa first movie niya, ang The Hows Of Us ng Star Cinema, na showing na sa August 29, at pinagbibidahan nina Daniel Padilla at Kathryn Bernardo. Kaya nang i-introduce ang karakter niya sa presscon ng movie, ay nag-spoiler pa kung ano ang mangyayari sa karakter niyang si Yohan, na kapatid ng karakter ni Kathryn, si George.
Pagmamalaki ni Darren, may drama scenes din siya at pinaiyak siya ni Direk Cathy Garcia-Molina. Nagawa niya ang eksena sa tulong ni Direk Cathy at ng co-stars niya, kabilang na si Kathryn.
Nag-enjoy sa shooting ng first movie niya si Darren, kaya hindi nakakagulat kung masundan at gumawa pa siya ng maraming pelikula sa susunod. Dahil din sa The Hows Of Us ay nakarating siya sa Amsterdam.
“My first time in Amsterdam was such a memorable experience! So many memories! Hope to be back again someday, bilang si Darren, hindi na si Yohan,” kuwento ni Darren.