Sugatan sa optical illusion

Sugatan ang isang lalaki matapos itong mahulog sa walong talampakan ang lalim na art installation sa Serralves Foundation Museum sa Porto, Portugal.

Inakala ng Italyanong turista na peke ang balon sa kabila ng mga babala ng mga nagbabantay doon, kaya nagdesisyon siyang tapakan ang obra upang masigurado, at nahulog siya.

Ang sining ay obra ng British na si Anish Kapoor noong 1992, na “Descent Into Limbo” isang optical illusion na ‘tila isang itim na bilog na pintura lamang sa sahig. Nakadisenyong ‘tila isang “bottomless pit” ang obra at nakahihilo tingnan.

Dahil sa nangyari, pansamantalang isinara sa publiko ang obra.

“What can I say? It is a shame,” pahayag ni Kappor matapos malaman ang insidente. OD