Soriano, talo sa undefeated Chinese
DETERMINASYON ang ginamit ni undefeated Ge Wenfeng ng China para talunin sa puntos ang Pilipinong si Ivan Soriano at matamo ang bakanteng WBO International flyweight title kamakalawa ng gabi sa Shenzhen Bao’an District Sports Center, Shenzhen, China.
Naging mabilis ang sagupaan kung saan nagpakita ng pagiging agresibo si Ge sa unang apat na rounds pero pagdating ng 7th round ay nagpakawala ng matinding kanan si Soriano na muntik ikinabagsak ng Chinese boxer.
“Soriano was outgunned in the next two rounds but shocked Ge with a hard combination. Ge showed excellent recuperative powers and fired back in the championship rounds,” ayon sa ulat ng Philboxing. com. “The scores of the judges – Edward Ligas (Philippines) – 116-110, Mark Leong (Macao) – 117-111 and Surat Soikrachang (Thailand) – 117111.”
Napaganda ni Ge ang kanyang rekord sa perpektong 11 panalo, 6 sa knockouts samantalang bumagsak ang kartada ni Soriano sa 18-2-1 winloss-draw na may 9 pagwawagi sa knockouts.