Samar councilor, utas sa ambush

Binaril ng hindi pa nakikilalang lalaki ang isang konsehal sa Barangay Sungan, Mercedes sa Eastern Samar, kahapon ng madaling araw.

Dead on arrival sa Polymedic Hospital of Guiuan si Antonio Abris, 45, konsehal ng Guiuan sa naturang lalawigan.

Sa imbestigasyon, dumalo ang biktima sa vesper celebration ng nasabing lugar nang lapitan ng isang lalaki at pinaputukan sa ulo, dakong 12:40 ng madaling araw.

Pagkatapos ng krimen, tumakas ang suspek bitbit ang ginamit na baril.

Kaugnay nito, tiniyak ni Police Regional Office-Region 8 (PRO8) information officer, Supt. Bella Rentuaya na gagawin nila ang lahat upang makilala at madakip suspek sa pagpatay.