Edukasyon para sa mga katutubo
Ipinasa ng House committee on indigenous cultural communities and indigenous peoples ang panukalang kumikilala at magtatatag ng educational system para sa mga katutubo.
Layunin din ng panukala, na ipinalit sa House Bill 4415, na magtakda ng mga guidelines para sa akreditasyon, pangangasiwa, at ebalwasyon ng mga eskuwelahang magsisilbi sa mga katutubo. Suportado naman ng Department of Education (DepEd) ang nasabing panukala ni Ifugao Rep. Teddy Brawner Baguilat, Jr., na isa ring katutubo.