Pinagpipitagang celebrity reporter, Robin Leach, pumanaw

PUMANAW na si Robin Leach, ang high priest ng pizzazz at ang pioneer ng reality TV hit show na Lifestyles of the

Rich and Famous, inihayag ng mga kaanak at katrabaho niya nitong Biyernes, sa edad na 76.

Naospital si Robin sa Las Vegas mula nang ma-stroke habang nasa bakasyon sa Mexico noong nakaraang taon at binawian ng buhay nitong Huwebes, ayon sa Las Vegas Review-Journal, kung saan nagtrabaho si Robin bilang celebrity columnist.

“Sad to report the death of famed celeb reporter, friend and colleague #RobinLeach @ 1:50 a.m. in #LasVegas. He would have been 77 Wednesday,” post ni columnist

John Katsilometes sa Twitter.

“He suffered a second stroke Monday … He’d been hospitalized since Nov. 21, after suffering a stroke in Cabo San Lucas.”

Iginalang si Robin dahil sa kanyang malalim na pananaw at opinyon tungkol sa Vegas entertainment scene, at ang pagbibigay-pugay sa journalist ay pinangunahan ni superstar Celine Dion, isang Sin City regular.

“Saddened to hear the news that Robin Leach has passed away. He was a thoughtful and considerate man, and a great supporter of the entertainment scene in Las Vegas,” tweet ng Canadian diva.

Naglabas na ng pahayag ang pamilya ni Robin sa pamamagitan ng Katsilometes, kung saan pinasalamatan nila ang fans para sa kanilang suporta.

“Despite the past 10 months, what a beautiful life he had … Everyone’s support and love over the past, almost one year, has been incredible and we are so grateful,” lahad dito.

Si Robin, na isinilang sa Britain ngunit lumipat at nanirahan sa US noong kanyang kabataan, ay isang celebrity reporter sa mga pahayagan at magazine sa dalawang na bansa, kabilang ang Daily Mail, People at New York Daily News.

“Now an eternity of champagne and caviar. We’ve lost a dear, dear friend and a wonderful man. Rest in peace Robin Leach,” pahayag ni Las Vegas mayor Carolyn Goodman.