Pinay spikers, gaganti sa Indons; PH athletics team, raratsada

JAKARTA --- Kumpiyansa at buo ang loob ng Philippines volleyball team sa pakikipagtuos sa host Indonesia sa pagtatapos ng preliminaries ng women’s volleyball Sabado ng gabi sa 18th Asian Games sa GBK Indoor Tennis Hall.

Tangan ng Pinay spikers ang momentum bunsod nang impresibong straight set win laban sa HongKong nitong Huwebes.

Sa kabila ng katotohanan na sigurado na sa quarterfinals ang koponan, puntirya ng Philippines ang panalo para mapatatag ang kampanya para pakikipagtuos sa world-ranked Chona at Korea.

Iginiit ni head coach Shaq Delos Santos na krusyal sa Pinay ang panalo sa Indonesians at magagamit bilang patunay sa kahandaan para sa 30th Southeast Asian Games sa susunod na taon sa Manila.

“Indonesia is the silver medalist in the previous SEA Games in Kuala Lumpur. We have to beat them here (in the Asian Games) if we’re serious in our bid of returning to the medal podium next year,” pahayag ni Delos Santos.

Huling nagkaharap ang Philippines at Indonesia sa international arena noong 2015 Singapore SEA Games. Sa naturang laro, nagwagi ang Indons, sa pangunguna ni spiker Aprilia Manganang, 25-22, 25-20, 25-14.

Nananatiling lider ng Indonesia si Manganang, habang ang Pilipino ay binubuo pa rin nina Aby Marano, Mika Reyes, Jaja Santiago, Alyssa Valdez at Kim Fajardo.

Nangako si Delos Santos na gagawin ang lahat para malagpasan ang Indonesians.

“I don’t want to sound overconfident, but learning that they (Indonesians) lost a set to Hong Kong is already a sign that they are beatable,” aniya.

“If we’re going to display the same kind of grit and power we showed last Thursday, winning over Indonesia is very possible.”

Nasa harapan din para bantayan ang depensa sina Majoy Baron, Jia Morado, Kianna Dy, Dawn Macandili, Cha Cruz at Mylene Paat, kumikig sa 25-18, 25-21, 25-22 panalo ng Nationals kontra Hong Kong.

Sasalang na Sabado ng hapon ang PH 13-man squad ng athletics, sa pangangasiwa ni Philip Ella Juico.