Pope Francis pinagbibitiw

ABOARD THE PAPAL PLANE (Reuters) – Sinabi ni Pope Francis nitong Linggo na hindi niya sasagutin ang isang dating mataas na opisyal ng Vatican na inakusahan siya na matagal nang alam ang mga alegasyon ng sex abuse sa isang prominenteng U.S. cardinal, nanawagan ng pagbitiw ng papa.

Sinabi ni Pope Francis, nagsalita sa mga mamamahayag sakay ng eroplanong pabalik mula sa biyahe niya sa Dublin, na ang mga pahayag na naglalaman ng mga akusasyon “speaks for itself”.

Sa detalyadong 11-pahinang pasabog na pahayag na ibinigay sa konserbatibong Roman Catholic media outlets habang nagbibisita ang papa sa Ireland, inakusahan ni Archbishop Carlo Maria Vigano ang mahabang listahan ng mga kasalukuyan at dating opisyal ng Vatican at ng U.S. Church ng pagtatakip sa kaso ni Cardinal Theodore McCarrick, na nagbitiw nitong nakaraang buwan dahil sa kahihiyan.

“Pope Francis must be the first to set a good example for cardinals and bishops who covered up McCarrick’s abuses and resign along with all of them,” isinulat ni Vigano, na dati nang binatikos ang papa.

Tinanong ngreporters si Pope Francis kaugnay sa pahayag, na inilathala ng National Catholic Register at ng ilan pang media outlets sa United States at Italy.

“I will say sincerely that I must say this, to you (the reporter) and all of you who are interested: Read the document carefully and judge it for yourselves,” sabi ni Pope Francis.