Funeral bishop, nag-sorry kay Ariana
HUMINGI ng paumanhin kay Ariana Grande ang bishop na nanguna sa libing ni Aretha
Franklin nitong Biyernes, dahil sa panghihipo niya sa singer, pati na rin sa ginawa niyang biro sa pangalan nito.
Pinangunahan ni Bishop Charles H. Ellis III ang funeral ni Aretha at awkward na binati si Ariana sa entablado pagkatapos awitin ng huli ang (You Make Me Feel Like) A Natural Woman.
Ipinakita sa mga larawan ang paraan ng paghawak ni Charles sa gilid ng dibdib ni Ariana.
Humingi ng paumanhin ang preacher nang kapanayamin ng The Associated Press sa sementeryo kung saan inilagak ang labi ni Aretha nitong Biyernes.
“It would never be my intention to touch any woman’s breast. … I don’t know I guess I put my arm around her,” sabi ni Charles.
“Maybe I crossed the border, maybe I was too friendly or familiar but again, I apologize.”
Aniya, niyakap niya ang lahat ng mga nagtanghal sa eight-hour service nitong Biyernes.
“I hug all the female artists and the male artists,” anang bishop. “Everybody that was up, I shook their hands and hugged them. That’s what we are all about in the church. We are all about love.
“The last thing I want to do is to be a distraction to this day. This is all about Aretha Franklin.” Marami ang nag-post sa Twitter ng mga closeup image ng naturang pangyayari, gamit ang #RespectAriana.
Humingi rin ng dispensa si Charles kay Ariana, sa fans nito, at sa Hispanic community sa pagbibiro niya tungkol sa pangalan ng singer.
“I personally and sincerely apologize to Ariana and to her fans and to the whole Hispanic community,” aniya. “When you’re doing a program for nine hours you try to keep it lively, you try to insert some jokes here and there.” Dahil naman sa nangyaring panghihipo ng obispo kay Ariana, binatikos din ang napakaikling bestida ng singer sa seremonya. Marami rin ang nag-post na ang dress ay sobrang ikli na hindi tamang kasuotan kapag pupunta sa simbahan. “#ArianaGrande don’t know the below the knee rule for the pulpit in the black church. Somebody hand her a lap hanky and a choir robe. Bless her heart,” tweet ng netizen na si Tenisha Taylor Bell.