Trabaho para sa mahilig sa avocado
Hulog ng langit na maituturing para sa mga mahilig sa avocado ang trabahong iniaalok ng isang Unibersidad sa California.
Naghahanap ang Loma Linda University ng 250 avocado lovers para sa kanilang isinasagawang pananaliksik upang malaman kung totoong nakakabawas ng bilbil o hindi ang pagkain ng avocado. Sa loob ng anim na buwan babayaran ang makukuhang ‘avocado lovers’ para kumain ng avocado. Ang mga mapipili ay itatalaga sa dalawang grupo: ang una ay kakain ng isang avocado kada araw sa loob ng anim na buwan, habang ang isa ay kakain lamang ng dalawang piraso kada buwan. Sa pagtatapos ng pag-aaral, bawat ‘avocado eaterd’ ay makakatanggap ng £230.