Wang, naurong ang pagbisita
Hindi matutuloy ang pagbisita ni Chinese State Councilor at Foreign Minister Wang Yi sa bansa ngayong Setyembre 16 hanggang 18, dahil sa pananalasa ng bagyong Ompong ( Mangkhut), inihayag ng Department of Foreign Affairs (DFA).
Ayon sa ulat ng DFA, nagkasundo ang Pilipinas at China na ilipat sa ibang petsa ang pagbisita ni FM Wang upang makapagpokus ang bansa sa rescue, recovery at relief efforts sa mga apektado ng bagyo.
Nakatuon ngayon ang DFA sa pakikipag-ugnayan sa mga alok na international humanitarian assistance sa pamamagitan ng Philippine Humanitarian Assistance Registry (PHAR) at pag-aayuda sa stranded overseas Filipino workers (OFWs) sa mga paliparan at pantalan sa buong bansa.