Estrella Bridge rehab, mahigit 2 taon

Nilinaw ngayon ng Metropolitan Manila Development Authority (MMDA) na tatagal ng 30 buwan, o katumbas ng dalawa at kalahatingtaonangrehabilitasyon ng Estrella-Pantaleon Bridge sa Makati City.

InihayagngMMDAnasimula ngayong Linggo, Setyembre 23, sa ganap na 8:00 ng umaga ay isasara pansamantala ang tulay para bigyang-daan ang gagawing rehabilitasyon ng Department of Public Works and Highways (DPWH).

Sa pulong balitaan, sinabi ni MMDA General Manager Jojo Garcia na kailangan nang gawin ang rehabilitasyon ng tulay, dahil due na ito, kaya asahan na ng mga motorista ang mas matinding trapiko sa lugar.

Ayon kay Garcia, nasa 4,000-5,000 motorista kada oras ang dumadaan sa tulay, na nagsisimula sa Rockwell hanggang sa Barangka Drive ng Mandaluyong City.

Dahil dito, sinabi ni Garcia na apektado ang lahat ng kalsada, maging ang EDSA Guadalupe at mga inner roads.

Tiniyak naman ng MMDA na mas paiigtingin pa nila ang clearing operation para maalis ang mga sasakyang maaaring nakabara sa kalsada na magpapalala pa sa trapiko.