Pamamaril sa bahay ng broadcaster, imbestigahan
Pinaiimbestigahan ni Senator Grace Poe sa pulisya ang naganap na pamamaril sa bahay ng isang radio broadcaster sa Negros Occidental, kamakailan.
Reaksyon ito ni Poe kasabay ng pagkondena nito sa insidente.
“The strafing at the house of broadcaster Rey Siason in Talisay, Negros Occidental is deplorable and should not go unpunished,” aniya.
Sa kabila aniya ng kahalintulad na insidente, dapat pa ring ipagpatuloy ng mga mamamahayag ang pagtupad sa kanilang tungkulin.
Inilarawan din nito na “kritikal” sa demokrasya ng bansa ang trabaho ng mga mamamahayag.
Naiulat na wala sa bahay si Siason nang maganap ang insidente, nitong Setyembre 19 ng gabi.
Nauna nang hiniling ni Poe, chairwoman ng Senate Committee on Public Information and Mass Media, sa Presidential Task Force on Media Security (PTFoMS) na lumikha ng dedicated hotline para sa media workers kung saan maaari nila iulat ang mga banta sa kanilang buhay at iba pang work-related harassment at mnga pagpatay.