Amilyar sa Pasay, tataas uli?
Matapos magtaas ng real property tax ang lokal na pamahalaan ng Pasay City noong 2016, pinangangambahan ang muling pagtataas nito ngayong 2018.
Sinabi ni Richard Advincula, dating konsehal ng lungsod, na posibleng magtaas muli ng amilyar o buwis sa real property ang pamahalaang lungsod kung matutuloy ang iniutang nitong P6-bilyon sa Philippine National Bank (PNB) para sa mga proyekto sa siyudad.
Aniya, walang “justification” ang gagawing pangungutang ng siyudad, na hindi rin advisable, batay umano sa obserbasyon ng Commission on Audit (CoA).