Programa kontra HIV

Pinayuhan ng Kamara ang Department of Health (DoH) na magsagawa ng komprehensibong plano upang mapigilan ang paglaganap ng human immunodeficiency virus (HIV) sa bansa.

Sa pagtalakay sa plenaryo ng panukalang budget ng DoH para sa 2019, tinanong ni Butil Party-list Rep. Cecilia Leonila Chavez kung ano ang plano ng kagawaran upang matugunan ang problema ng HIV sa Pilipinas.

Ayon kay Bulacan Rep. Jose Antonio Sy Alvarado, na nagtaguyod sa DoH budget, sinusubaybayan ng kagawaran ang implementasyon ng programa kontra HIV.

“The HIV program activities that the DOH has is the availability of free voluntary HIV counselling and testing services, and provision of free anti-retroviral drugs to PLHIVs (People Living with HIV),” sabi ni Alvarado.