Oil price, sinisi sa inflation

Tahasang isinisi ni Pangulong Duterte sa mataas na presyo ng produktong petrolyo ang paglobo ng inflation rate sa bansa.

Sa kanyang talumpati sa Lapu-Lapu City, Cebu, sinabi ng Pangulo na ang Pilipinas ay hindi nabiyayaan ng langis gaya ng ibang mga bansa, kaya hindi napipigilan ng Pilipinas ang pagtaas ng presyo ng langis, na nagbubunsod ng pagtaas ng presyo ng mga bilihin.

Dagdag ni Duterte, hindi talaga maikakaila na mayroong inflation, pero ang pangunahing may kasalanan dito, aniya, ay ang presyo ng gasolina at krudo.