Acquital kay Imelda, pinagtibay

Pinagtibay ng Korte Suprema ang naunang desisyon ng korte na nagpawalangsala kay Ilocos Norte Rep. Imelda Marcos sa kaso kaugnay ng sinasabing ilegal na yaman.

Sa desisyon ng 3rd Division ng Korte Suprema, na isinulat ni Associate Justice Marvic Leonen, ibinasura ang apela ng yumaong dating Solicitor General Frank Chavez na kumukuwestiyon sa naging desisyon ni Manila Judge Silvino Pampilo, na hindi mag-inhibit sa kaso.

Marso 2008 nang ilabas ni Pampilo ang desisyon na nagsasabing nabigo ang prosekusyon na patunayan ang alegasyon ng dollar salting laban kay Marcos, o ang pagdedeposito umano ng pamilya Marcos ng $863 million sa isang Swiss bank noong nasa kapangyarihan pa ang mga ito.