Crime rate sa CL, bumaba

CAMP OLIVAS, Pampanga-Bumaba ang bilang ng krimen sa Gitnang Luzon, ayon sa Philippine National Police (PNP).

Naiulat ni Police Regional Director, Chief Supt. Amador Corpuz, na aabot sa 22.11 posyento ang ibinaba ng crime rate sa lalawigan mula Enero-Agosto ng taon kumpara sa nakaraang taon sa kaparehong panahon.

Matapos ag pagpupulong ng Regional Peace and Order Council, sinabi ni Corpuz na mula sa 34,647 insidenteng naiulat noong Enero hanggang Agosto 2017, bumaba ang bilang sa 26,987 ngayong 2018.

Sa index crimes, nakapagtala ng 27.87% pagbaba ng mga insidente samantalang 20.87% naman ang ibinaba ng mga non-index crimes.

Dagdag niya, kapansin-pansin din ang pagbaba sa porsyento ng pito sa walong focus crimes sa lahat ng lalawigan sa rehiyon.