Bebot, kulong sa droga
CAPAS, Tarlac-Natimbog ng pulisya ang isang 30-anyos na babae na nalulong umano sa ipinagbabawal na gamot sa isinagawang buy-bust operation sa Barangay Estrada,Capas, Tarlac, kamakailan.
Inihayag ni PO2 Alvin Hulguin, may hawak ng kaso, ng Capas Police Station, hindi na nakapalag ng suspek na si Jinguy Manucduc, ng nasabing barangay nang mahulihan ng isang transparent plastic sachet na tumitimbang ng hindi matiyak na gramo ng shabu.
Bago naaresto si Manucduc ay, ilang beses nang nakatanggap na report ang pulisya hinggil sa malawakang operasyon nito sa droga.
Nakapiit na ngayon sa Capas Police Station ang suspek na nahaharap sa kasong paglabag sa Comprehensive Dangerous Drug Act of 2002.