Dugyot, sira-sirang sneakers, for sale

Nahaharap sa mga batikos online ang retailer na Nordstrom matapos nitong i-post online ang ibinebentang pares ng sapatos sa halagang $530 na luma, madumi at pinagdidikit lamang ng mga tape.

Likha ang “Superstar Taped Sneaker” ng upscale brand na Golden Goose, at ibinebenta sa website ng Nordstrom na may features na “crumply, hold-itall-together tape” at “a grungy rubber cupsole.” Inilarawan pa ng website na “distressed” ang ibinebentang sapatos. Dagsa naman ang reklamo online mula sa mga kritiko na ang sinabing “trying to make poverty fashionable to the affluent.”