Nabuntis, nagreklamo
TARLAC CITY - Naghain ng reklamo sa pulisya ang isang dalaga matapos umano itong abandonahin ng isang pamilyadong lalaki makaraang matuklasan ang pagbubuntis nito sa Barangay San Isidro, Tarlac City, kamakailan.
Partikular na inireklamo ng babae, residente ng Bgy. San Isidro, sa Women and Children’s Desk ng Tarlac City Police, si Jonathan Mendoza, 29, ng Bgy. San Rafael, ng nabanggit na lungsod.
Nag-ugat, aniya, ang lahat nang magkakilala sila ni Mendoza, noong Disyembre 12, 2017 hanggang sa mabuntis siya noong Marso ng kasalukuyang taon.
Isinalaysay ng babae sa pulisya na hindi na umano siya binibisita ni Mendoza simula nang malaman nitong buntis siya.