Red October plot itinanggi
Kinumpirma kahapon ng Philippine Army (PA) na may lead na sila sa kinaroroonan ng grupo ni Tirso Alcantara, ang kumander ng New People’s Army (NPA) sa Southern Tagalog na isa sa mga grupong nasa likod ng "Red October" plot na naglalayong pabagsakin ang admistrasyon ni Pangulong Rodrigo Duterte.
Ayon kay 2nd Infantry Division Chief Maj. Gen. Rhoderick Parayno, pinakilos na niya ang lahat ng tauhan para arestuhin si Alcantara na kasalukuyan nagtatago sa Southern Tagalog.
Una rito, nitong Martes ng umaga ay nagsagawa ng raid ang mga sundalo ng 80th Infantry Battalion (IB), kasama ang mga ahente ng National Bureau of Investigation (NBI), sa kuta ng NPA sa Teresa, Rizal kung saan narekober ang matataas na kalibre ng armas at mga improvised explosive device (IED) na pagmamay-ari umano ng rebeldeng grupo.
Sinabi militar na kailangang isailalim muna sa validation ang mga dokumento upang mapatunayan ang kanilang involvement sa “Red October" plot.
Base sa report, pinangunahan ni Alcantara ang planong maglunsad ng pag-atake, katulong ang dating commander ng NPA Regional Yunit Guerrilla na si Armando Lazarte, secretary ng Sub-Regional Military Area 4A ng NPA, sa bahagi ng Rizal.
Tumanggi naman si Parayno na idetalye pa ang mga narekober na dokumento na may kinalaman sa "Red October", ngunit kanila na raw itong sinusuri.
Naniniwala si Parayno na ang presensiya ng mga top NPA leaders sa Rizal, na malapit sa Maynila, ay isang malakas na "indikasyon" sa ouster plot at naghihintay na lamang umano ang mga ito ng magandang pagkakataon para gawin ang kanilang plano.
Tiniyak ni Parayno na gagawin ng militar ang lahat para mapigilan ang nasabing banta.