Drug suspect, arestado
PANIQUI, Tarlac - Natiklo ng awtoridad ang isa umanong tulak ng illegal drugs sa inilatag na buy-bust operation sa Barangay Poblacion Norte, Paniqui, Tarlac, kamakailan.
Nahaharap sa kasong paglabag sa RA 9165 (Comprehensive Dangerous Drug Act of 2002) ang suspek na nakilalang si Joemark Estrada, alyas Omak, 32, ng M.H. Del Pilar Street, Bgy. Estacion ng nasabing bayan.
Dinakip si Estrada nang mahulihan ng hindi pa madeterminang halaga ng shabu matapos bentahan ang isang pulis na nagpanggap na buyer.
Nauna nang nakatanggap ng impormasyon ang pulisya kaugnay ng talamak na pagbebenta ng shabu ng suspek na nagresulta sa pagkakadakip nito.