Duterte naghangad din ng tsamba sa 6/58

Nakiisa si Pangulong Duterte sa pagtaya sa lotto nang kumpirmahin niya na tumaya siya sa 18 combinations para sa pinakamimithing P800-million 6/58 Ultra Lotto jackpot.

Kinumpirma ni Special Assistant to the President Christopher Go sa mga mamamahayag sa Malacañang na inutusan siya ni Duterte na tumaya sa 18 combinations nitong nakaraang linggo.

“Nung last time po, 18 po ‘yung combinations na pinataya niya sa akin last week. Hindi nanalo,” sabi ni Go.

Gayunman, sinabi niya na wala pang malinaw na plano ang Pangulo sa premyo sakaling manalo.

“Wala naman siyang sinabi kung ano gagawin niya. Pero malay mo sabi niya ‘pag swertehin tayo,” aniya.

Ayon kay Go, hindi ito ang unang pagkakataon na tumaya ang Pangulo sa lotto. Sinabi niya na tumataya na si Duterte noong alkalde pa lang ito ng Davao City.

“Noon pa pinapataya niya talaga ako ng lotto sa Davao. Siguro mga five years ago. Five years ago pa nagtataya na kami ng lotto,” pahayag niya.