Miyembro ng 'Ozamiz' robbery group, dedo
Napatay ang umano’y miyembro ng "Ozamiz" robbery group makaraang manlaban sa pulisya sa Lapu-Lapu City, Cebu, kahapon.
Walang makuhang pagkakakilanlan ang suspek na tinatayang nasa edad 40 at hinihinalang miyembro ng nabanggit robbery group.
Ayon kay Supt. Mark Gifter Sucalit, hepe ng Lapu-Lapu City Intelligence Branch, nagsagawa ng operasyon ang kanilang mga tauhan matapos na matuklasan ang pinagtataguan ng grupo.
Nang respondehan ang lugar, bigla umanong pinaputukan ng grupo ng suspek ang grupo ng pulis na nauwi sa 20 minutong sagupaan at ikinasawi nito.
Nakatakas ang dalawa pang suspek na patuloy na tinutugis.