Bibiyahe sa Undas, maging maagap
Planuhin nang maaga ang bakasyon para sa Undas. Ito ang panawagan ng Philippine Coast Guard (PCG) sa publiko.
Inabisuhan ng PCG ang mga sasakay ng barko na maagang magtungo sa mga pantalan para hindi maabala sa mahigpit na security measures ng mga awtoridad.
Sinabi ni PCG spokesperson Cmdr. Armand Balilo na bukod sa mga ipinagbabawal na bagay, mahigpit din nilang bubusisiin ang mga bagahe laban sa ilegal na droga.
Nanawagan din si Balilo sa mga pasahero na maging mapagmatyag sa paligid at ipagbigay-alam kaagad sa kinauukulan kung may napansin silang kahina-hinalang kilos o bagay.