Paula Abdul, nahulog sa stage
NAGTAMO ng ilang pasa si Paula Abdul makaraang mahulog sa stage sa kalagitnaan ng kanyang gig sa Mississippi nitong Sabado ng gabi, ulat ng Cover Media.
Nahulog ang Straight Up singer nang tinangka niyang hawakan ang mga kamay ng fans sa harap ng stage sa Hard Rock Live venue sa Biloxi, dahil nawalan siya ng balanse.
Tinulungan ng fans si Paula na makabalik ng stage at ipinagpatuloy niya ang show, hanggang sa matapos ang kanyang ikatlong gig sa Straight Up Paula!
2018 tour.
Hindi pa malinaw kung nagtamo ng mas malalang sugat ang singer-dancer, dahil kamakailan ay ibinunyag niyang nag-iingat siya sa pagtu-tour matapos ang nakapaghihilakbot na aksidente sa eroplano, 25 taon na ang nakaraan, na nagpalamlam sa kanyang pop career.
Sumailalim si Paula sa 15 surgery at naging partially paralyzed makaraang sumabog ang engine ng seven-seater plane, na kanyang kinalululanan. Hindi suot ni Paula ang strap noon, kaya nagpagulonggulong siya sa cabin.
“I hit my head on the top of the plane and after that I was sidelined for seven years,” sabi niya sa U.S. talk show host na si Steve Harvey. “I had 15 spinal surgeries, I had partial paralysis.”
Nagbalik siya sa spotlight bilang hurado sa U.S. talent show na American Idol at ngayon ay nagtu-tour na ulit siya.
“I’m really excited that I get a chance to do this again,” sabi niya.
Nagsimula ang Straight Up - Paula! tour began nitong buwan, at nakatakda siyang magtanghal sa Sands Bethlehem Event Center sa Pennsylvania sa Oktubre 23.