‘Nosewarmers’ bagong fashion trend

Viral ngayon ang isang winter weather fashion accessory para sa mga babae sa Great Britain dahil sa kakaibang itsura nito—ang “nosewarmer” na ‘tila isang earmuff para sa ilong.

Iniaalok ngayon ng Nose Warmer Company, na itinatag ni Sally Steel-Jones, ang “nosewarmers” sa iba’t ibang uri ng tela at estilo para sa mga taong ayaw malamigan ang kanilang ilong sa panahon ng taglamig.

“I got the idea in 2009 when I had a genuine cold nose,” pahayag ni SteelJones. “Our business started small, with one nose warmer made specifically to do the job of warming up a nippy nose!” mababasa sa website ng kumpanya. “Our owner soon realized that she wasn’t the only one with this problem so THE NOSE WARMER COMPANY was born.”

Ayon kay Steel-jones, ibinebenta worldwide ang kanyang mga nosewarmers sa website sa presyong $10.