Prosecution pinagkokomento sa mosyon ni Ladlad
Sampung araw ang ipinagkaloob ng Manila Regional Trial Court (RTC) Branch 32 sa prosecution para maghain ng komento hinggil sa motion for reconsideration, na inihain ni National Democratic Front (NDF) consultant Vic Ladlad kaugnay ng warrant of arrest na inisyu ni Judge Thelma Bunyi-Medina para sa multiple murder case.
Si Ladlad, miyembro ng Communist Party of the Philippines Central Committee at head ng National United Front Commission, ay isa sa mga consultants na nakulong dahil umano sa pagpatay sa 15 miyembro ng New People’s Army (NPA) sa umano’y alok na dispatsahin ang sarili nitong military informers. Siya ay pinalaya noong 2016 upang makiisa sa peace negotiations.
Ayon kay Atty. Chel Diokno, legal counsel ni Ladlad, imposibleng maging parte si Ladlad ng insidente dahil marami silang saksi na magpapatunay na nasa kulungan si Ladlad sa Lucena City sa Camp Nakar, kung saan siya nakulong simula 1983 hanggang 1986, nang maganap ang patayan sa Leyte.