Inawtopsiya vs Dengvaxia, 100 na

Isinailalim ng Public Atorney’s Office (PAO) sa awtopsiya ang ika-100 bata na pinaniniwalaang nasawi matapos maturukan ng anti-dengue vaccine na Dengvaxia.

Hinukay ang katawan ng batang si Carl Guillier Alfaro base na rin sa kahilingan ng kanyang magulang para maisailalim siya sa awtopsiya.

Hulyo 19, 2018 nang masawi si Alfaro, na tatlong beses naturukan ng Dengvaxia.

Sa awtopsiya, natuklasan ang pagdurugo sa utak at internal organs ng bata.

May pamamaga rin sa internal organs ni Alfaro, gaya ng sintomas na nakita rin sa mga batang nauna nang isinailalim ng PAO sa awtopsiya.