Andrea, tantanan na kaya ng bashers?
MAGTATAPOS na ang Victor Magtanggol sa Biyernes, November 16 at ibig sabihin, makapagpapahinga na si Andrea Torres mula sa pambababash ng fans na ayaw siya bilang kapareha ni Alden Richards sa naturang telefantaserye.
Kung anu-ano na lang kasi ang ipinaratang at itinawag ng bashers kay Andrea pero mabuti na lang ay hindi siya nagpaapekto sa kanila. Tuloy ang maganda nilang working relationship with Alden, kaya lang, siguradong may mang-aaway pa rin ay Andrea kapag napanood ng bashers ang BTS ng kissing scene nina Alden at Andrea, kahit tapos na ang serye. Lalo pang magagalit ang fans kapag sa ending kapag sina Victor (Alden) at Sif (Andrea) ang magkatuluyan. Hindi na kasi puwedeng makatuluyan ni Victor si Gwen (Janine Gutierrez) dahil ikinasal na ito kay Tim (Lucho Ayala).
Speaking of Andrea, may Christmas gift sa supporters niya. Ito ay ang calendar na hindi lang male fans ang matutuwa, kundi pati ang kanyang female fans.
“This year, I want to do things a little differently. A calendar I PERSONALLY produced. This is for YOU, my followers. It’s my way of saying THANK YOU for the tremendous support you’ve given me. You are nothing short of amazing! Like what I always say, I’ll never get used to it. I’m bursting with love and gratitude for each one of you. So, here it is, a 2019 calendar made just for you! It’s now available in Matrica Store (link in my bio). Thank you also to my team. I can always count on you! Stay tuned, I have more surprises regarding this calendar in the coming days,” anunisyo ni Andrea sa kanyang social media account.
Para sa fans ni Andrea na nagtatanong kung ano ang sunod na show ni Andrea sa GMA-7, mag-abang lang kayo dahil siguradong may kasunod siyang project. Matatapos pa lang ang Victor Magtanggol, at magpapahinga muna siya ng ilang buwan.