Bagwis ng Falcons, mas tumibay tungo sa Final Four

NAISALBA ng Adamson ang maalat na simula para mapigilan ang tangkang paninilat ng kulelat na University of the East, 85-72, nitong Sabado sa UAAP Season 81 sa Smart Araneta Coliseum.

Naghabola ng Soaring Falcons sa 3-20 sa unang limang minute, ngunit bago pa man tuluyang bumulusok ay nagawang maikampay ang mga bagwis sa tamang pagkakataon para maagaw ang momentum at ang panalo na nagpatibay sa kampanya nilang masungkit ang twice-to-beat advabtage sa Final Four.

Tangan ng Adamson ang 10-3 karta, habang nabaon ng tuluyan ang Warriors sa ilalim na team standings (1-11).

“Of course that we still have to look at the remaining schedule this weekend, they were saying it’s a crucial weekend for everybody. That’s a problem, sometimes when you have a flat start, they think the opposing team that will just roll over. It was a different scenario,” pahayag ni Adamson coach Franz Pumaren.

“They were aggressive, they were enjoying the game actually, pressure-free sila. It’s a good thing we were able to regroup, and I gave them some sweet nothings at half time,” aniya.

Nanguna si Ahanmisi sa Falcons sa naiskor na 23 puntos, tampok ang 4-for-6 sa three-point line, habang kumubra si Manganti ng 19 puntos, dalawang steals at isang block.

Nag-ambag si Papi Sarr ng 24 rebounds at siyam na puntos.

Kumubra si Alvin Pasaol ng 24 puntos para sa Red Warriors, habang nag-ambag si Philip Manalang ng 19 puntos at tatlong rebounds.

Iskor: Adamson 85 – Ahanmisi 23, Manganti 19, Lastimosa 10, Sarr 9, Camacho 7, Catapusan 6, Pingoy 5, Espeleta 4, Zaldivar 2, Mojica 0, Magbuhos 0, Bernardo 0, Colonia 0.

UE 72 – Pasaol 24, Manalang 19, Cullar 12, Bartolome 8, Gallardo 5, Varilla 4, Strait 0, Antiporda 0, Beltran 0, Conner 0, Gagate 0.

Quarterscores: 21-24; 40-40; 6559; 85-72.