Dagsa ng foreign workers sa Japan, aprub

TOKYO (AP) — Sa kabila ng mga batikos hinggil sa exploitation, pinagtibay ng Japan ang batas na nagbubukas ng oportunidad sa libu-libong manggagawa para makapagtrabaho at manirahan sa Japan.

Ilang buwan matapos itong imungkahi ni Prime Minister Shinzo Abe, agad na inaprubahan ng Kongreso ang panukalang-batas na itinuturing na “unavoidable step” dahil sa lumiliit na populasyon ng Japan.

Sa ilalim ng batas, tatanggap ng dalawang uri ng mga manggagawa ang Japan simula Abril: ang less-skilled workers na maaaring manatili sa Japan ng hanggang limang taon bilang bisita. At ang higher skilled workers na marunong ng wika at kultura ng Japan at mabibigyan ng pagkakataong madala ang kanyang pamilya matapos ang 10 taong paninirahan sa bansa.