OFWs sa Europe, America at Africa naman

Hiniling kahapon ng chairman ng House Committee on Banks and Financial Intermediaries sa gobyerno ng Pilipinas na bumuo ng bagong bilateral migrant workers agreements sa mga umuusbong at malalaking ekonomiya ng Africa, South America, at Eastern at Northern Europe.

Ito ang panawagan ni Leyte Rep. Henry Ong matapos bumaba ng $1.03 bilyon ang remittances mula sa overseas Filipino workers (OFWs) sa Middle East sa unang 10 buwan ng taong ito.

Nanawagan siya sa economic managers na magbalangkas ng mga bagong istratehiya na magpapauwi sa OFWs at i-redeploy ang ilang manggagawang Pinoy sa ibang bansa.

“The Bangko Sentral ng Pilipinas figures clearly show the need for a revised OFW policy to wean the country away from vulnerability to the economic fortunes of the Middle East. This must be done because OFWs pump much more funds into the Philippine economy than foreign investors,” saad sa kanyang pahayag.

Binanggit ang datos ng BSP data, sinabi ni Ong na ang worldwide OFW personal remittances ay umabot sa kabuuang $26.5 bilyon mula Enero hanggang Oktubre, habang ang foreign direct investments ay nasa $8.038 bilyon.

Nababahala ang lider ng Kamara para sa Middle East, dahil simula Enero hanggang Oktubre, ang cash remittances ay nasa $5.43B noong 2018, bumaba mula sa $6.46B noong 2017.

Humina rin ang transfers mula Saudi Arabia ng 11.1 porsiyento, mula Kuwait ay 18.2%, mula Bahrain, 9.6%, at UAE sa 11.1%, aniya.

“Kung hindi maagapan ng pamahalaan ang patuloy na pagbaba ng remittances mula sa Middle East, direkta ang epekto nito sa mga probinsiya at ordinaryong Pilipino,” aniya.

Hiniling ni Ong ang paglalagda ng mas maraming bilateral accords, lalo na sa mga bansa sa Africa, South America, at Eastern at Northern Europe, na pakikinabangan ng OFWs.

“These regions are where economic growth in happening and where OFWs should be providing the much-needed professional and technical manpower to sustain that progress,” aniya.