Gary at Kiana, hahataw sa Asian TV Awards
ANG mag-amang Gary at Kiana Valenciano ang dalawa sa international artists na magpeperform sa 23rd Asian TV Awards (ATA) na magaganap sa Borneo Convention Centre Kuching (BCCK), Sarawak, Malaysia sa January 12 & 13. Kabilang din sa mga performers ang sikat na boy band ng Korea, ang SF9; Malaysian actor na si Alvin Chong; German singer na si Trong Hieu; Singaporean singer na si
Gina Tan; Indonesian singer na si Via Vallen; at ang Chinese singer/ songwriter na si Qu Wanting.
Pasok din bilang isa sa mga host ang former GMA reporter at fiancé ni Aicelle Santos (kasalukuyang gumaganap na Gigi Van Trahn sa international tour ng Miss Saigon) na si Mark Zambrano.
Ang Pambansang Bae na si
Alden Richards at Bubble Gang mainstay at ATA awardee for Best Comedy Actor na si Michael V. ang kauna-unahang Pinoy celebrities na nag-host ng ATA sa Singapore.
Ilan sa mga nominado sa performance categories na nagmumula sa ‘Pinas ay sina Maja
Salvador para sa kanyang pagganap sa Wildflower ng ABS-CBN bilang Best Actress in a Leading Role;
Adrian “Luis” Alandy para sa role niya sa Tabi Po The Series ng Cignal TV bilang Best Actor in a Supporting Role; Eugenio “Boy” Abunda bilang Best Current Affairs Presenter para sa programa niyang The Bottomline
with Boy Abunda, na nominado rin bilang Best Talk Show.
Nominado rin sa ATA ang programang Basketball Program
(Cignal TV) at si Carlo Pamintuan bilang Best Sports Presenter/ Commentator ng “43rd Philippine Basketball Cup (Cignal TV), at ang
Mi Amor bilang Best Theme Song ng programang Tabi Po The Series ng Cignal TV.
Kapansin-pansin na walang lumusot sa mga programang prodyus ng GMA Network ngayong taon. Maliban kina Maja at Kuya Boy at ang programang The Bottomline
with Boy Abunda, wala na ring iba pang personalidad o programa ang pumasok sa ABS-CBN.
Sa loob ng 23 years ng ATA, tanging GMA pa lang ang nakakasungkit ng karangalan bilang Best Terrestrial Television Station of the Year noong 2005.
Ang Asian TV Awards ay nakabase sa Singapore at first time itong ie-stage sa labas ng tinaguriang Merlion City ng Asya.