GOLD MEDALIST BOWLER, NIRAPIDO
VIVA, SEÑOR STO. NIÑO! Ibinida ng mga estudyante mula sa iba’t ibang unibersidad at kolehiyo ang makukulay nilang costumes habang humahataw ng sayaw sa Sinulog 2019 launching parade sa Osmeña Boulevard sa Cebu City nitong Biyernes ng hapon, isang linggo bago ang aktuwal na taunang selebrasyon sa Linggo, Enero 20.
Patay ang isang gold medalist bowler nang pagbabarilin ng
‘di pa nakikilalang salarin sa loob ng bowling center sa Greenhills, San Juan City, kamakalawa ng hapon.
Ayon kay Eastern Police District (EPD) director, Police Chief Supt. Bernabe Balba, dead on arrival si Angelo Nathaniel Constantino, nasa hustong gulang, general manager ng E-lanes Bowling Center, dahil sa mga tama ng bala sa katawan.
Sa ulat ng San Juan City Police, na pinamumunuan ni Police Senior Supt. Dindo Reyes, naganap ang krimen sa loob mismo ng E-Lanes Bowling Center na matatagpuan sa 416 Ortigas Avenue, Greenhills, San Juan City, bandang 5:00 ng hapon.
Nagmemeryenda umano ang biktima sa isang cafeteria na matatagpuan sa loob ng naturang bowling center nang pumasok ang salarin at nagpanggap na customer.
Nang makita ang biktima ay agad umanong ng salarin at pinagbabaril.
Nang matiyak na napuruhan ang target, mabilis na tumakas ang salarin, sakay sa dilaw na scooter, na minamaneho ng kasabwat nito, patungo sa direksiyon ng Aurora Boulevard, sa Quezon City.
Bigo ang mga saksi na makilala ang salarin, na inilarawang nakasuot ng asul na T-shirt at denim shorts at naka-face mask.
Napag-alaman na si Constantino ay miyembro ng Philippine national bowling team, na lumahok sa World Youth Bowling Championship sa Venezuela noong 1992, at nakapag-uwi ng gintong medalya.