21 patay sa avalanches

BELGRADE, Serbia (AP) — Muling naparalisa ng matinding snow ang malaking bahagi ng Europa, sa sunud-sunod na pagragasa ng mga avalanche tulad ng nangyari sa isang Swiss Hotel kung saan apat na katao ang binawian ng buhay.

Patuloy na tinatanggal ng mga manggagawa sa Hotel Saentis sa Switzerland ang 300-metrong lawak na avalanche na bumasag at pumasok sa mga bintana ng hotel.

Sa Germany, 66 na teenager ang iniligtas ng militar matapos maipit sa bundok dulot ng makapal na snow.

Sa kabuuan, hindi bababa sa 21 katao na ang namatay dulot ng matinding snow sa Europa sa loob ng sampung araw.