DND: Military solution vs rebelde, ‘di solusyon
Sinabi kahapon ni Defense Secretary Delfin Lorenzana na wala silang planong gumamit ng purely military solution sa paglaban sa rebelyon sa bansa sa kabila ng pagpapatigil sa usapang pangkapayapaan, nanag-ugatsapagpapalitanngmaaanghang na salita nina Pangulong Rodrigo Duterte at Communist Party of the Philippines (CPP) founder Jose Maria Sison.
Ito ang dahilan, ayon kay Lorenzana, kung bakit nila isinusulong ang localized peace talks simula nang matigil ang usapang pangkapayapaan ng pamahalaan at National Democratic Front of the Philippines noong nakaraang taon.
“Working closely with local government units, we are actively pursuing local peace initiatives such localized peace talks, community support and development, and promotion of good governance, as well as the implementation of the Enhanced Comprehensive Local Integration Programs or E-CLIP which helps former rebels start their lives anew by providing financial, livelihood, and educational assistance, psychosocial support, and housing,” sabi ni Lorenzana.
Sinabi ng Defense Chief na kahit hindi pabor si Duterte na puwersa lamang ng gobyerno ang kikilos upang matuldukan ang rebelyon, ang pahayag kamakailan ay ang punong ehekutibo na nagsabing ayaw niyang bombahin ang mga kampo ng mga rebelde.
Sinusuportahan ng Department of National Defense ang desisyon ni Pangulong Duterte “not to employ a purely military solution to ending the communist insurgency in the country,” sabi ni Lorenzana.
Kamakailan, ipinahayag ni Pangulong Duterte na bukas pa rin siya sa usapang pangkapayapaan sa mga rebeldeng komunista. Tinanggap ni Sison ang kanyang pahayag, sinabing prayoridad ng NDF ang peace talks.
Sa kanyang parte, sinabi ni Lorenzana na mas interesado silang hikayatin ang mga rebelde na sumuko sa gobyerno, ipinahayag na karamihan sa mga ito ay ni-recruit dahil sa kahirapan.
“While focused military actions will weaken their armed component, it is the promise of a better life for their families that drives their members to return to civil society and the fold of the law,” pahayag ni Lorenzana.