Klea Pineda, hihilera kina Pia at Kylie
SI Klea Pineda lang ang Kapuso star na kabilang sa mga muse na magbubukas na PBA Season 44 ngayong Linggo, January 13, sa Philippine Arena sa Bulacan.
Tuwang-tuwa ang young actress, at isa sa cast ng Afternoon Prime na Ika-5 Utos na napili siya ng Alaska Milk na maging muse ng koponan. Makakasama ni Klea sina Sharon Cuneta, na muse ng
Magnolia; Kylie Versoza, na muse ng San Miguel Beer; Alyssa Valdez, na muse ng NLEX; Yam Concepcion, na muse ng Phoenix; Michelle Gumabao, na muse ng Blackwater; at Pia Wurtzbach, na muse ng Ginebra.
Hindi maa-out of place si Klea dahil matangkad ang Kapuso star, at dahil dream din niyang maging beauty queen, marunong na siyang mag-project na parang contestant sa beauty pageant.
Anyway, maraming naiinis sa role ni Klea sa Ika-5
Utos dahil pareho sila ng katambal niyang si Jeric Gonzales na matigas ang ulo, kaya laging nalalagay sa panganib. In fairness, sumusunod lang sila sa script at sa instructions ni Direk Laurice Guillen.
Patuloy pang mapapanood ang Afternoon Prime ng GMA-7, kaya patuloy pa rin ang pagiging matigas ng ulo nina
Klea at Jeric, at patuloy din na maiinis sa kanila ang viewers. Pero ang ibig sabihin nito, nagagampanan nila nang tama ang kani-kanyang role.
A n g pagpapatuloy ng
Ika-5 Utos ang isa sa mga blessings kay Klea noong 2018 hanggang ngayong 2019. Marami siyang natututuhan from her veteran co-actors sa larangan ng acting at pagiging professional, at sa mga director na nasa likod ng Afternoon Prime.
Ang New Year’s wish ni Klea ay mas marami pang magagandang projects ang dumating sa kanya.