Ms Tourism World Intercontinental 2019, balik-bansa na
MAINIT na pagsalubong ang ipinadama ng pamilya, kaibigan at mga tagahanga ni Francesca Taruc sa kanyang pagdating sa bansa matapos siyang koronahang 2019 Miss Tourism World Intercontinental sa Nanjing, China nitong Enero 9.
“I’m home!” post ni Francesca sa Intagram, kasama ng kanyang larawan hawak ang isang maliit na Philippine flag nitong Biyernes ng gabi.
Ang Miss Tourism World Intercontinental title ang unang international pageant crown para sa Pilipinas ngayong taon. Ito rin ang ikalawang malaking panalo ng bansa simula nang kononahang 2018 Miss Universe si
Catriona Gray nitong Disyembre 17, 2018. Sa Miss Tourism World Intercontinental contest, nakuha ng kandidata ng Tatarstan ang first runner-up, habang si Miss Ukraine ang 2nd runnerup.
Mula Angeles City ang 20-anyos na beauty queen na may bachelor’s degree sa Mass Communications mula Holy Angel University sa Pampanga.
Apo si Francesca ni Supremo Luis Taruc, ang nagtatag ng Hukbong Bayan Laban sa mga Hapon (Hukbalahap), isang sandatahang samahan ng mga guerrilla laban sa mga Hapon noong World War II.