21-anyos huli sa ‘marijuana’
Dinampot ang isang 21-anyos na lalaki nang masamsaman ng hinihinalang mga dahon ng marijuana sa Herrera Street, Ibaba, Malabon City, kamakalawa.
Kinilala ang suspek na si Jimboy Diestra, ng P. De Guzman Street, Ibaba, Malabon City.
Hindi kabilang si Diestra sa drug watch list ng police o barangay.
Sa ulat, nagpapatrulya ang dalawang pulis sa lugar nang masilayan ang suspek.
Hawak umano ni Diestra ang isang pakete ng hinihinalang dahon ng marijuana.
Dahil dito, agad siyang pinosasan at kasalukuyang nakakulong sa Malabon City Police Station Custodial Facility.
Narekober ang hinihinalang droga at dinala sa Northern Police District Crime Laboratory Satellite Office sa Valenzuela City para sa laboratory examination.
Kakasuhan si Diestra ng paglabag sa RA 9165 (Comprehensive Dangerous Drugs Act of 2002).