‘Dealer' tigok sa drug ops

CABANATUAN CITY - Isang umano’y drug dealer ang napatay matapos makipagbarilan sa mga awtoridad sa isinagawang operasyon kontra-droga sa Barangay Barrera, Cabanatuan City, kamakailan.

Kinilala ni Cabanatuan City police chief, Supt. Ponciano Zafra, ang napaslang na si Delmer Isonga, nasa hustong gulang, ng nasabing lugar.

Nasa aktong binebentahan na ng shabu ng suspek ang isang police poseur buyer nang makahalata ito na isa lamang itong patibong.

Agad umanong bumunot ng baril si Isonga at ipunutok ito sa mga awtoridad. Dead on the spot si Isonga nang makipagbarilan sa kanya ang mga awtoridad. Narekober ng mga imbestigador ang isang cal. 38 revolver at 10 na pakete ng shabu.