Trump, iginigiit ang speech sa Congress, Pelosi ayaw
WASHINGTON (AFP) – Sinalag ni US House Speaker Nancy Pelosi nitong Miyerkules ang pamimilit ni President Donald Trump na ibigay ang kanyang State of the Union speech sa susunod na linggo sa Congress, sa banggaan ng power elite ng Washington.
Ang iringan sa kung saan idadaos ang annual political set-piece ay sideshow sa pagmamatigasan ng White House at ng Democrats sa Congress kaugnay sa partial government shutdown na ngayon ay nasa ika-33 araw na.
Karaniwang ibinibigay ng pangulo ang talumpati sa bulwagan ng House of Representatives, sa joint session ng Senate at House.
Lumiham si Trump kay Pelosi na magiging ‘’very sad for our Country if the State of the Union were not delivered on time, on schedule, and very importantly, on location!’’
Sinabi ni Pelosi, naging mukha ng Democratic opposition kay Trump sa Congress, na dapat pagisipan ng pangulo na ibigay ang talumpati sa ibang lugar dahil ang shutdown ay nangangahulugan na magiging problema ang seguridad. Isinuhestiyon din niya na magbigay na lamang ng written speech si Trump sa Congress.
Sinagot ni Pelosi ang liham ni Trump, sinabing hindi bibigyan ng awtorisasyon ng House ang talumpati sa kapulungan ‘’until government has opened.’’
Iginiit ni Trump na ‘’there are no security concerns.’’
Ngunit nanindigan ang Speaker na hindi pagbibigyan ang kahilingan ng President.