Pagbabawal ng Senado sa China project, posibleng i-veto ni Digong
Maaaring gamitin ni Pangulong Rodrigo “Digong” Duterte ang kanyang veto power laban sa pagbabawal ng Senado sa pagpopondo sa isang Chinaassisted security surveillance project sa panukalang 2019 national budget, sinabi ng Malacañang kahapon.
Ayon kay Presidential Spokesman Salvador Panelo maaaring bumaling ang Pangulo sa opisyong ito upang matiyak ang pagpopondo para sa Safe Philippines project katuwang ang China kasabay ng pagpawi sa mga alalahanin sa posibleng panganib sa pambansang seguridad.
“No funds for the project?.. Well if the President will exercise his power of veto, that can be vetoed,” ani Panelo sa press briefing sa Palasyo.
“We understand the apprehension of some senators but necessarily this government will not allow any security leaks,” dugtong niya.
Nauna rito ay ipinagbawal ng Senado ang pagbabayad ng gobyerno sa loan deal sa pagitan ng gobyerno at ng isang Chinese state-run company sa panukalang 2019 budget dahil sa mga banta sa seguridad at kawalan ng transparency.
Ang P20-bilyon kontrata sa pagitan ng Department of Interior and Local Government (DILG) at ng state-owned China International Telecommunication Construction ay iniulat na kinabibilangan ng pagkakabit ng closed circuit television cameras (CCTVs) sa mga pampublikong lugar sa Metro Manila at Davao City sa ilalim ng supervision ng isang command center.