‘Pinas pang-50 sa world’s best countries
Ikinalugod ng Malacañang ang bagong US News and World Report na iniraranggo ang Pilipinas bilang 50th best country in the world.
Naglabas ng pahayag si Presidential Spokesperson Salvador Panelo matapos lumutang sa 2019 US News and World Report na nasa pang-50 ang Pilipinas sa survey ng mahigit 21,000 global citizens.
“The Duterte Administration continuously breaks ground to nurture the country’s business climate and drive investor confidence to a higher level by cleansing the government of corrupt officials, streamlining the delivery of frontline services, among others,” ani Panelo.
“Tourism, which is one of our major economic drivers, is likewise a priority with focus now given on environmental sustainability,” dugtong niya.
Kumpiyansa rin siya na aakyat pa ang puwesto ng Pilipinas sa rankings.
Ang mga sukatan ng nasabing survey ay kinabibilangan ng adventure, citizenship, cultural influence, entrepreneurship, heritage, movers, open for business, power at quality of life. Sakop ng ulat ang perceptions ng 80 bansa.
Nananatili sa tuktok ang Switzerland sa ikatlong magkakasunod na survey. Sa ulat CNBC, sinabi ng respondents na itinuturing nila ang Switzerland na top country sa larangan ng economic stability, access to capital, strong legal framework at prestige
Pumangalawa ang Japan sa listahan, nasa pangatlo hanggang pang-lima ang Canada, Germany, at United Kingdom, ayon sa pagkakasunod. Nasa ikaanim na puwesto naman ang Sweden, bilang best country for green living, headquartering a corporation, at raising children.
Ang top 10 list ay kinukumpleto ng Australia, United States, Norway, at France sa ika-7 hanggang ika-10 puwesto, ayon sa pagkakasunod.
Nasa hulihan ng listahan ng 80 bansa ang Iraq na hindi nakapasok noong nakaraang taon.
Samantala, ang Singapore ang nakakuha ng pinakamataas na ranking sa lahat ng bansa sa Southeast Asia sa ika-15 puwesto.
Ang iba pang bansa sa Asian sa listhan ay ang China, 16; South Korea, 22; Thailand, 27; Malaysia, ika-38; Vietnam, ika- 39; Indonesia. 43; at Myanmar, 61.