Makulit na 5-anyos, binigti ni yaya
Nasakote ng mga awtoridad ang isang yaya nang bigtihin umano nito ang inaalagaang bata sa Barangay Labangal, General Santos City, nitong Miyerkules.
Sa report ng General Santos City Police, nasa kustodiya na nila ang 17-anyos na babaeng suspek, matapos siyang ireklamo ng mga magulang ng limang taong gulang na umano’y napatay niya.
Sinabi ng imbestigador na mismong ang mag-asawang sina PO1 John Keith Cuarentas at PO2 Jessel Cuarentas ang nakadiskubre sa anak nilang nakabitin sa bahay-bahayan.
Inamin naman umano ng suspek ang krimen, at sinabing kaya niya nagawa ang krimen dahil masyadong malikot at pasaway ang bata.