Road closure sa Maynila ngayon

Magpapatupad ng road closure at traffic rerouting ang Manila District Traffic Enforcement Unit (MDTEU) sa ilang bahagi ng Maynila, ngayong araw.

Ito’y upang bigyang-daan ang gaganaping “Metro Manila Celebration with Will Graham” sa Quirino Grandstand sa Maynila, mula Pebrero 15 hanggang Pebrero 17.

Ayon sa MDTEU, kabilang sa isasara ang kahabaan ng Independence Road mula South Drive hanggang Katigbak Drive.

Magkakaroon din ng re-routing ng mga sasakyan na dadaan sa Roxas Boulevard.

Sa abiso ng MDTEU, ang mga gagamit ng Independence Road ay dapat dumaan sa Roxas Boulevard papunta sa destinasyon habang ang mga sasakyang papunta at magmumula sa Manila Ocean Park/ H20 Hotel ay dapat dumaan sa Katigbak at South Drive.

Ang mga behikulo naman na patungo at magmumula sa Manila Hotel ay dapat dumaan sa Katigbak Drive habang sa South Drive naman pinadadaan ang mga sasakyang pupunta at manggagaling sa Harbor View at Rizal Park Hotel.

Kaagad namang bubuksan ang isasarang kalsada kapag natapos ang aktibidad.

Aang naturang selebrasyon ay isang pinakaaabangang event sa evangelical ministry community sa Pilipinas at inaasahang magiging tampok nito ang pagbabahagi ni Graham ng ebanghelyo.