Saudi Arabia, nasa dirty-money blacklist

STRASBOURG (Reuters) – Idinagdag ng European Commission ang Saudi Arabia, Panama, Nigeria at iba pang jurisdictions sa blacklist ng mga nasyon na nakikitang banta dahil sa lax controls sa terrorism financing at money laundering, sinabi ng EU executive nitong Miyerkules.

Ang hakbang ay bahagi ng crackdown sa money laundering matapos ang ilang eskandalo sa EU banks.

Ikinalungkot ng Saudi government ang desisyon, sinabi na ang commitment nito “in combating money laundering and the financing of terrorism is a strategic priority”.

Kabilang na ngayon sa listahan ang 23 jurisdictions, tumaas mula sa dating 16.

Ang iba pang newcomers sa listahan ay ang Libya, Botswana, Ghana, Samoa, Bahamas at apat na United States territories ng American Samoa, U.S. Virgin Islands, Puerto Rico at Guam.

Kabilang sa nakalistang estado ang Afghanistan, North Korea, Ethiopia, Iran, Iraq, Pakistan, Sri Lanka, Syria, Trinidad and Tobago, Tunisia at Yemen.

Inalis naman sa listahan ang Bosnia, Guyana, Laos, Uganda at Vanuatu.