Singil sa padala sa RO-RO, ibababa
Nagpulong ang technical working group (TWG) ng House Committee on Transportation nitong Miyerkules upang suriin kung paano mapababa ang singil sa pagpadadala ng mga kargamento sa Roll On-Roll Off (RO-RO) system.
Sa pagpupulong, pinamunuan ni TWG Chairman Rep. Manuel Zubiri (3rd District, Bukidnon), ikinumpara ang transportation costs ng paghahatid ng mga produkto mula sa Mindanao patungong Metro Manila sa pamamagitan ng RO-RO at sa direct shipping. Lumutang na mas mahal magpadala sa RO-RO kumpara sa direct shipping.
“Supposedly the RO-RO is cheaper but apparently not. Mas mura pa ‘yung direct shipping… I don’t understand why this is the cost now,” ani Zubiri.
Iminungkahi ni Rep. Bayani Fernando (1st District, Marikina City) na dapat kumita ang RO-RO operators sa pamasahe ng pasahero, sa halip na sa cargo transportation.